Maonyesho ya siku tatu yaliyoandaliwa na kampuni ya Al Mansour Auto EA Tanzania, kuangazia teknolojia za kisasa za usafiri na muktadha mzuri wa magari ya ISUZU, yamehitimishwa kwa mafanikio makubwa jijini Dodoma huku yakionesha kuwavutia wabunge na wadau mbalimbali wa sekta ya uchukuzi nchini waliofanikiwa kutembelea maonesho hayo.
Maonyesho hayo yalifanyika katika viunga vya Akachube Plaza jijini humo, yalikuwa jukwaa muhimu kwa wadau mbalimbali, ikiwa ni pamoja na taasisi za serikali, wawakilishi wa kampuni za usafirishaji, na wateja binafsi, kuchunguza suluhisho za kisasa za magari zinazokusudia kubadilisha mazingira ya usafiri nchini Tanzania.
Katika taarifa yake ya kuhitimisha maonesho hayo mwishoni mwa wiki Meneja Mkuu wa Al Mansour Auto EA Tanzania, Bw. Anurup Chatterjee, alisisitiza umuhimu wa maonyesho hayo: “Tukio hili lililenga kuwajengea uelewa zaidi washiriki kuhusu bidhaa mpya za ISUZU, ambazo zimeandaliwa kwa umakini ili kukidhi mahitaji tofauti ya usafiri katika nchi yetu. Katika siku hizo tatu, tulifurahi kuonyesha magari ambayo sio tu yana nguvu na kuaminika bali pia yametengenezwa kwa kuzingatia mahitaji ya watumiaji kutoka sekta mbalimbali.”
Huku akiwapongeza na kuwashukuru sana wadau mbalimbali zikiwemo mamlaka za serikali na uongozi wa Bunge la Jamhuri ya Muungano wa Tanzania, Bw. Chatterjee, alisema washiriki wa maonesho hayo walipata fursa ya kupokea onyesho kubwa la magari ya ISUZU, kuanzia malori na mabasi makubwa hadi SUV (magari madogo) na pick-up mbalimbali, ikiwa ni pamoja na modeli za ISUZU D-MAX zilizoongeza mvuto wa tukio hilo.
“Tunamshukuru sana Spika wa Bunge kwa kuhamasisha wabunge watembelee maonesho haya kwa kuwa wabunge walioweza kufika hapa kama ilivyo kwa wadau wengine walipata fursa muhimu ya kuona kwa macho yao jinsi magari haya yalivyoundwa mahsusi kwa ajili ya maendeleo ya miundombinu ya umma, usafiri wa kilimo, operesheni za usalama, na huduma muhimu katika sekta ya afya na elimu,” alisema.
Mbali na kuonyesha anuwai kubwa ya magari ya ISUZU, maonyesho yaliangazia ukuaji mkubwa wa kampuni hiyo tangu kuanzisha uwepo wake nchini Tanzania mnamo Julai 2020. Kama wasambazaji wakuu wa magari ya ISUZU kwa serikali na biashara binafsi, uchaguzi wa Al Mansour Auto EA Tanzania kufanya maonesho hayo jijini Dodoma—makao makuu ya serikali—unaonyesha uhusiano mzuri wa biashara uliokuzwa na wateja muhimu wa serikali.
Maonyesho hayo yalivuta umakini mkubwa, hasa kutoka kwa baadhi ya wabunge na viongozi waandamizi wa mashirikia na taasisi za serikali. Bw. Jumanne Kishimba, Mbunge wa Kahama Mjini, alionyesha kuvutiwa kwake na tukio hilo, akisema, “Maonyesho haya yamefungua macho yetu kwa teknolojia za kisasa zinazopatikana katika sekta ya usafiri. Kujitolea kwa ISUZU kwa ubora na uaminifu kunaendana na dhamira yetu ya kuishauri serikali katika kuboresha usafiri wa umma na kuendeleza miundombinu nchini kote.”
Wadau wengine wa sekta ya usafiri pia walipata wasaa wa kutoa maoni yao kuhusu maonesho hayo. Bw Elibariki Lekule, mdau wa sekta ya utalii jijini Dodoma alisema, “Maonyesho haya yamekidhi matarajio yangu. Onyesho hili la matoleo tofauti ya gari za ISUZU linatupatia wasaa wa kufanya chaguzi bora kulingana na mahitaji yetu ya kibiashara, na hivyo kuhakikisha utoaji wa huduma bora kwa wateja wetu.”
Naye, Meneja Mauzo na Masoko ya Nje Isuzu Afrika Mashariki, Bi. Sandra Njagi, pia alitoa shukurani zake za dhati kwa serikali ya Tanzania kwa ushirikiano thabiti kwa magari ya ISUZU. “Tumejizatiti kuandaa maonyesho kama haya mara kwa mara ili kuimarisha uhusiano na washirika wetu wa serikali na kudumisha mazungumzo ya wazi kuhusu kuendeleza sekta ya usafiri nchini Tanzania.”
Mbunge wa Kahama Mjini, Bw. Jumanne Kishimba (kushoto) akimsikiliza kwa umakini Ofisa Mauzo Mwandamizi wa Kampuni ya Al Mansour Auto EA Tanzania, wauzaji na wasambazaji wa magari aina ya ISUZU nchini Bw. Filbert Massawe (alievaa shati jeusi) akielezea ubora wa magari hayo wakati maonesho ya siku ya tatu ya magari hayo yaliyohitimishwa mwishoni mwa wiki jijini Dodoma. Maonyesho hayo yalitoa wasaa kwa wadau mbalimbali wakiwemo wabunge, taasisi za serikali na watu binafsi kuchunguza suluhisho za kisasa za magari zinazokusudia kuboresha sekta ya usafiri nchini.
Meneja Mauzo na Masoko ya Nje Isuzu Afrika Mashariki, Bi. Sandra Njagi (Kulia) akielezea ubora wa magari hayo kwa Bw Elibariki Lekule, mdau wa sekta ya utalii jijini Dodoma wakati wa maonesho ya siku ya tatu ya magari hayo yaliyohitimishwa mwishoni mwa wiki jijini Dodoma. Maonyesho hayo yalitoa wasaa kwa wadau mbalimbali wakiwemo wabunge, taasisi za serikali na watu binafsi kuchunguza suluhisho za kisasa za magari zinazokusudia kuboresha sekta ya usafiri nchini.
Wageni mbalimbali waliotembelea maonesho hayo walipata wasaa kuonyeshwa kuhusu ubora wa magari ya Isuzu, elimu iliyotolewa na maofisa mbalimbali wa Kampuni ya Al Mansour Auto EA Tanzania, wauzaji na wasambazaji wa magari aina ya ISUZU nchini.
