MNAMO 1890, mwandishi mmoja wa habari Mmarekani aitwaye Julian Ralph alisafiri kutoka New York hadi Birmingham, mji wenye nguvu ya kiviwanda ulio katikati ya Uingereza, na akaona kuwa ni “jiji linalotawaliwa vyema zaidi ulimwenguni.”
Katika zaidi ya kurasa 12 ndani ya Jarida la Harper’s, Ralph alisifu baraza la jiji kwa kuwapa raia wake majumba ya makumbusho ya bure, majumba ya sanaa na maktaba; na mabwawa ya kuogelea na mabafu yenye mapambo ya Kituruki; kwa kuweka barabara zake “safi isivyo kawaida;” kwa kusimamia vizuri usambazaji wake wa maji; na kwa kutumia taa za gesi – zilizovumbuliwa katika jiji miongo kadhaa kabla – ili kuweka mitaa yake iwe na mwanga wakati wote.
Mnamo 2024, mgeni anayekwenda Birmingham ataona eneo tofauti la umma. Baraza la jiji linafikiria kuuza majumba yake ya sanaa. Linapanga kufunga maktaba 25. Mabwawa ya kuogelea ya bure yamekwenda. Ukusanyaji wa taka unafanyika kila baada ya wiki mbili. Huduma ya maji yake, kama ilivyo kwa gesi yake, kwanza ilitaifishwa, kisha ikabinafsishwa. Na, katika jaribio la kupunguza gharama, jiji limezima taa zake za barabarani.
Birmingham – jiji la pili kwa ukubwa nchini Uingereza, na mamlaka kubwa zaidi katika eneo la Ulaya – iliharibiwa Septemba iliyopita. Jiji halikuwa na uwezo wa kusawazisha bajeti yake ya kila mwaka, ilitoa notisi ya “kifungu cha 114”: toleo la serikali za mitaa la kutangaza kufilisika. Ili kujaza nakisi yake ya kifedha, baraza litapunguza huduma, kupunguza mali na kuongeza ushuru, na hivyo kuwafanya zaidi ya watu milioni moja kulipa zaidi kwa huduma kidogo. Anaandika Joster Mwangulumbi.
