Hospitali ya Agha Khan chini ya ufadhili wa mradi wa kuboresha huduma ya dharura nchini wa ‘Improving emergency care in Tanzania’ (IMECT) kwa kushirikiana na serikali ya Poland imefanya mkutano wa kufungwa kwa awamu ya kwanza ya mradi wa kuboresha huduma za dharura (IMECT) hapa nchini na kutoa tathmini ya faida ya huduma zilizofanywa na mradi huu tangu kuanzishwa kwake.
Mkuu wa Huduma za Dharura Nje ya Hospitali kutoka Kitengo cha Dharura cha Wizara ya Afya, Dk Erasto Sylvanus wakati wa hafla ya kufunga awamu hii ya kwanza ya Mradi wa Kuboresha Huduma za Dharura Nchini (IMECT) iliyofanyika jijini Dar es Salaam amesema kuwa kwa kipindi cha miaka miwili, Serikali imefanikiwa kuongeza idara za dharura kutoka 21 zilizokuwepo mwaka 2021/2022 hadi kufikia 121 hii ikionesha chachu ya madiliko kwenye sekta ya afya inayotolewa kupitia mradi huu.
Dk Sylvanus ameongeza kuwa Serikali imechukua hatua katika kuimarisha huduma za dharura kwa kipindi kifupi na kwa ushirikiano baina ya serikali na sekta binafsi katika kutoa huduma za afya za dharura ni chachu katika kuendeleza sekta hiyo ambayo ni sekta muhimu katika kuokoa maisha ya watu wanaohitaji huduma hizo hususan kwenye matukio dharura kama ajali zinazotokea hapa nchini
Kwaniaba ya mgeni rasmi kwenye hafla hii Dkt. Mohammed Mang’una, Mganga Mkuu wa Mkoa, Dar-es-Salaam mesema katika safari ya kuelekea ubora wa huduma za afya, Mradi wa IMECT ni mfano bora wa mafanikio ya ushirikiano, ukileta pamoja Serikali ya Tanzania, washirika wa kimataifa, na jamii za ndani katika jitihada za kuimarisha huduma za matibabu ya dharura kote nchini.
‘Natumia fursa hii kuishukuru Serikali ya Poland kupitia Kituo cha Msaada wa Kimataifa cha Poland (PCPM) na Huduma za Afya Aga Khan Tanzania (AKHST) kwa hatua kubwa waliyopiga ya kutambua hitaji na kutoa ufadhili wa kiasi cha dola za Marekani 760,000, sawa na shilingi za Kitanzania bilioni 1.8, kwa lengo la kuboresha huduma za dharura nchini katika kipindi cha miaka miwili na nusu iliyopita.’
Wakizungumza wakati wa mkutano wa kufungwa kwa awamu ya kwanza ya mradi wa kuboresha huduma za dharura (IMECT) jijini Dar-es-Salaam wadau wa afya mbalimbali walio hudhuria hafla hii wamesema kupitia IMECT, kumeshuhudiwa nguvu ya ushirikiano na mradi huu umewaleta pamoja washirika wa ndani na kimataifa, wakiwemo wataalamu wa afya waliojitolea, wadau wa serikali na mashirika ya maendeleo. Ushirikiano kama huo umekuwa muhimu katika kushughulikia
‘Wizara ya Afya inajivunia kushiriki katika Mradi wa IMECT, ambao unaendana kikamilifu na maono yetu ya kuimarisha mifumo ya afya ili kutoa huduma zinazofikika, usawa, na ubora wa hali ya juu kwa Watanzania wote.’
‘Tangu awali, Wizara imeshirikiana kwa karibu na wadau ili kuhakikisha kwamba malengo ya mradi huu sio tu yanafikiwa bali yanaacha athari ya kudumu katika mazingira yetu ya afya’.
Miongoni mwa hatua muhimu za IMECT ni:
Kuanzishwa kwa programu dhabiti za mafunzo kwa watoa huduma za dharura ili kuwajengea uwezo baada ya kutoa mafunzo kwa wahudumu wa afya zaidi ya 2000 katika kozi tofauti za dharura kutoka sekta ya umma na binafsi.
Kuimarishwa kwa miundombinu kwa ununuzi wa vifaa vyote viwili vya mafunzo na matibabu ya dharura ya uchunguzi na tiba na usambazaji kwa vituo vyote vinavyohusika kiasi cha shilingi za Kitanzania milioni 891 sawa na Dola za Marekani 330,000.
Kuimarishwa kwa huduma ya kabla ya hospitali kupitia mafunzo ya washiriki wa kwanza zaidi ya 120 kutoka mashirika tofauti pamoja na kuanzishwa kwa kituo cha kisasa cha mafunzo ya sanaa chenye thamani ya Shilingi Milioni 182 sawa na dola 71,000, chenye vitenge vya kisasa kwa ajili ya mafunzo.
Sambamba na hayo wataalamu watatu wa huduma ya dharura na mahututi kutoka Poland walitumwa kwa zamu katika hospitali kuu mbili za mikoa ya Mwananyamala na Temeke pamoja na Aga Khan kwa muda wa mwezi mmoja kufanya mafunzo ya kazi na kufundisha na kushughulikia kesi kwa wakati ili kuongeza thamani ya matibabu. sehemu ya mafunzo ya mradi.
