Moto mkubwa unaendelea kuteketeza maeneo mbalimbali ya Los Angeles, huku juhudi za kikosi cha zimamoto zikiendelea kudhibiti hali hiyo maeneo ya milima ya Santa Monica, Califronia, nchini Marekani. Moto huu, ulioanza Jumanne, Januari 7 2025, umesababisha uharibifu wa zaidi ya nyumba na miundombinu 10,000 katika eneo lenye idadi kubwa ya watu lenye ukubwa wa takriban maili 25 (kilomita 40) kaskazini mwa katikati ya Los Angeles.
Chanzo cha moto huu mkubwa bado hakijabainika, ingawa kuna watu kadhaa wameshakatwa kwa tuhuma za kuwasaha moto huo. Kikosi cha zimamoto kinaendelea kutegemea kupungua kwa kasi ya upepo wikiendi hii ili kufanikisha juhudi za kuudhibiti, ingawa kufanikisha kudhibiti moto huu kikamilifu bado ni changamoto kubwa.
Matarajio na Tahadhari
Kikosi cha zimamoto kimewahimiza wakazi wa maeneo yaliyoathiriwa kuzingatia tahadhari na kufuata maelekezo ya mamlaka ili kuepuka madhara zaidi. Wito umetolewa kwa jamii kushirikiana na vikosi vya dharura wakati juhudi za kudhibiti moto huo zinaendelea. Tukio hili linasisitiza umuhimu wa maandalizi bora na ushirikiano wa jamii wakati wa majanga kama haya.
