Video inasambaa kwenye mitandao ya kijamii ikimuonesha mwimbaji maarufu wa nyimbo za Injili, Goodluck Gozbert akiwa anachoma gari aina ya Mercedes Benz linalodaiwa kuwa ni lile alilopewa zawadi na mchungaji mmoja maarufu nchini.
Kwenye video hiyo, Gozbert anasikika mwenyewe akieleza kwamba ameamua kulichoma gari hilo bila kueleza sababu.
Gumzo ni kubwa mitandaoni, kila mtu anasema lake. Wapo wanaodai kuwa huenda tukio hilo siyo halisi, wengine wanadai kuwa ni ‘kiki’ huku wengine wakidai kwamba huenda anaandaa video ya wimbo wake.
