Naibu Katibu Mkuu Ofisi ya Makamu wa Rais Christina Mndeme amesema Rais Dkt.Samia Suluhu Hassan ni kiongozi shupavu na mwenye maono ya kuongoza Nchi.
Amesema hayo wakati Clouds TV kwa kupitia Kipindi chake cha Sentro Bash la Bimdash wameungana na watanzania wengine katika kusherehekea kumbukizi ya tarehe ya kuzaliwa kwa Mhe.Rais Dkt. Samia Suluhu Hassan aliyetimiza umri wa miaka 65 jana tarehe 27 Januari.
Mndeme amesema anamuombea Mheshimiwa Rais Dkt Samia kwa Mwenyeezi Mungu ampe uhai na hekima zaidi ili aendelee kuiongoza nchi ya Tanzani huku amewataka watanzania kuendelea kumshkuru Mungu kwa kuwa kuwa na Kiongozi msikivu Dkt.Samia Suluhu Hassan.
Mwanamuziki mkongwe wa muziki wa taarab nchini pia ni Malkia wa Mipasho Afrika Mashariki Bi Khadija Omar Kopa alitoa burudani na kuimba wimbo maalumu wenye mahadhi ya taarab.
“Rais Dkt.Samia mimi ni nduguangu namuombea mwenyeezi Mungu amzidishie nguvu na ari ya kuliongoza taifa na kumzidishia umahiri wake katika kulitumikia taifa la Jamhuri ya Muungano wa Tanzania”amesema Bi Khadija.
Kopa ameongeza kwa kusema kuwa Dkt. Samia ameingia katika kipindi kigumu cha uongozi lakini hivi sasa kila Mtanzania anakula mema ya nchi katika nyanja mbalimbali kama wasanii ,wanamichezo amekuza michezo ikiwamo soka ambako amekua akitoa hamasa ya goli la mama bila kuwasa mchezo wa masumbwi” amesema Kopa.
Kopa ameongeza kwa kusema kuwa anamuombea kwa Mungu Rais Dkt.Samia aendelee kuiongoza nchi kwa amani na kusema mama ulipo tupo na huu ndiyo mwanzo wa ushindi.
Msanii mwingine ambaye ametumbuiza ni Barnaba Classic ambaye amesema anamshkuru sana Mhe.Rais Mama Dkt.Samia kwa sababu anawapenda sana wasanii huku akijinadi kuwa yeye ni miongoni mwa wasanii ambao wanapata nafasi za kutoa burudani kwenye hafla nyingi za Serikali na hasa Ikulu. Kwenye kipindi hicho cha Sentro ‘Bash la Bimdash’.
Aidha wakati kipindi hicho kikiendelea kwenda hewani Viongozi mbalimbali wamepiga simu moja kwa moja studio na kutoa salamu zao za kumtakia kheri ya kuzaliwa Mhe. Rais Dkt.Samia.
Viongozi waliopiga simu na kuzungumza moja kwa moja ni Mkurugenzi Mtendaji wa Benki ya CRDB Abdulmajid Nsekela ambaye amemtakia Mheshimiwa Rais Dkt Samia Maisha marefu na utendaji mwema wa kazi ya kuongoza Nchi.
Msemaji Mkuu wa Serikali Gerson Msigwa amempongeza Mheshimiwa Rais kwa kutumiza miaka 65 kwa kumtakia afya njema ya baraka na amani ili aendelee kuwa kiongozi Bora duniani.
