RC Mtanda alielezea dhamira hiyo mwisho mwa wiki aliposhiriki hafla ya futari iliyoandaliwa na benki ya NBC mahususi kwa wateja wake wa Kiislamu jijini Mwanza.Hafla hiyo ilihudhuriwa na viongozi wa dini, wateja, viongozi wa serikali pamoja wafanyakazi wa benki ya NBC huku Mkurugenzi wa Fedha wa Benki ya NBC, Bw Rayson Foya akimuwakilisha Mkurugenzi Mtendaji wa benki hiyo Bw Theobald Sabi kwenye hafla hiyo.
Akizungumzia mpango wa hafla ya watoto yatima jijini humo mbele ya wageni waalikwa, RC Mtanda alisema itahusisha jumla ya vituo 16 vya kulelea watoto yatima na wale wanaoishi kwenye mazingira magumu ili kutoa wasaa wa kwa wadau mbalimbali jijini humo ikiwemo benki ya NBC kushiriki futari ya pamoja na watoto hao.
“Baada ya hafla hii ya NBC mahususi kwa ajili ya wateja wao hatua inayofuata ni kushiriki pamoja futari kama hii na moja ya kundi lenye uhitaji kama ambavyo miongozo ya dini yetu inavyotuongoza. Badala ya kila taasisi kuandaa shughuli kama hizi kwa kujitegemea peke yao tumeona ni vema wote tuwe na shughuli ya pamoja ili kutoa wasaa kwa wadau wenye nia kama NBC kuweza kuwafikia walengwa wenye uhitaji haswa’’ alisema.
Pamoja na kuipongeza benki ya NBC kwa ushirikiano wake na wateja wake wenye imani ya kiislamu hususani katika mwezi huu wa Ramadhani huku akisisitiza umuhimu wa mahusiano yanayogusa na kuheshimu misingi ya imani za dini kwa wateja wa benki, RC Mtanda pia aliishukuru benki hiyo kupitia matawi yake ya Mwanza na Nyanza kwa namna inavyoshirikiana na serikali katika kufanikisha mipango ya maendeleo hususani katika nyanja ya elimu.
Kwa upande wake Bw Foya alisisitiza juu ya umuhimu wa uhusiano mzuri kati ya benki hiyo na wadau wake muhimu ikiwemo Serikali na wateja. Alitumia fursa hiyo kuzungumzia huduma maalum inayotolewa na Benki ya NBC kwa wateja wa Kiislamu inayojulikana kama La Riba, ambayo inazingatia mafundisho ya Kiislamu kuhusu riba.
“NBC tunatambua kuwa Ramadhan ni nguzo muhimu ya imani ya Kiislamu, wakati wa ibada, upendo, na sadaka. Hivyo kwa kutambua thamani hiyo, futari hii ni ishara ya kuthamini mahusiano yetu sisi, wateja wetu na wadau wetu wote ikiwemo serikali, ikiwa ni njia mojawapo ya kushirikiana pamoja baraka za mwezi huu.’’ Alisema Bw Foya
Kwa mujibu wa Bw Foya, ushirikiano umekuwa ukiambatana na utoaji wa huduma bora kwa wateja wa benki hiyo kwa kuzingatia mahitaji maalum.
“Katika kuthibitisha dhamira yetu hii ni hivi karibuni tu tulitambulisha rasmi ‘App yetu ya NBC Kiganjani ikiwa na maboresho makubwa zaidi kulingana na mahitaji ya wateja wetu ambao sasa wanaweza kufungua akaunti popote walipo, kufanya malipo ya serikali (GEPG), kununua umeme (LUKU), na kulipa ankara mbalimbali kwa urahisi.’’ Alisema.
Hafla hiyo pia ilihusisha utoaji wa zawadi kwa wageni waalikwa. Kwa wateja wa Kiislamu wa benki ya NBC jijini Mwanza, hafla hiyo ilikuwa fursa nzuri ya kufurahi pamoja na kujenga uhusiano mzuri miongoni mwao na benki hiyo.
Mkuu wa Mkoa wa Mwanza Bw Said Mtanda (kulia) akipokea zawadi maalum kutoka kwa Mkurugenzi wa Fedha wa Benki ya NBC, Bw Rayson Foya (katikati) wakati wa hafla futari iliyoandaliwa na benki hiyo kwa ajili ya wateja wake jijini Mwanza mwishoni mwa wiki. Kushoto ni Meneja wa benki ya NBC Tawi la Mwanza Bw Thomas Lijaj
Mkuu wa Mkoa wa Mwanza Bw Said Mtanda (kushoto) akizungumza na wageni waalikwa wakati wa hafla ya futari iliyoandaliwa na Benki ya NBC kwa ajili ya wateja wake jijini Mwanza. Hafla hiyo ilifanyika mwishoni mwa wiki jijini humo na kuhudhuriwa na wageni mbalimbali wakiwemo viongozi wa serikali viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.
Mkuu wa Mkoa wa Mwanza Bw Said Mtanda (kushoto) akiwaongoza wageni waalikwa kupata futari wakati wa hafla ya futari iliyoandaliwa na Benki ya NBC kwa ajili ya wateja wake jijini Mwanza. Hafla hiyo ilifanyika mwishoni mwa wiki jijini humo na kuhudhuriwa na wageni mbalimbali wakiwemo viongozi wa serikali viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.
Mkuu wa Mkoa wa Mwanza Bw Said Mtanda (kulia) akibadilishana mawazo na Mkurugenzi wa Fedha wa Benki ya NBC, Bw Rayson Foya (wa pili kulia), Sheikh Mkuu wa Wilaya ya Nyamagana, Sheikh Othman Ramadhani Ndaki (wa pili kushoto) na Meneja wa NBC Tawi la Nyanza, Bw. Innocent Ngavatula (kushoto) wakati wa hafla ya futari iliyoandaliwa na Benki ya NBC kwa ajili ya wateja wake jijini Mwanza. Hafla hiyo ilifanyika mwishoni mwa wiki jijini humo na kuhudhuriwa na wageni mbalimbali wakiwemo viongozi wa serikali viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.
Mkurugenzi wa Fedha wa Benki ya NBC, Bw Rayson Foya (pichani) akizungumza na wageni waalikwa wakati wa hafla ya futari iliyoandaliwa na Benki ya NBC kwa ajili ya wateja wake jijini Mwanza. Hafla hiyo ilifanyika mwishoni mwa wiki jijini humo na kuhudhuriwa na wageni mbalimbali wakiwemo viongozi wa serikali viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.
Mkuu wa Mkoa wa Mwanza Bw Said Mtanda (Katikati walioketi) akiwa kwenye picha ya pamoja na Sheikh Mkuu wa Wilaya ya Nyamagana, Sheikh Othman Ramadhani Ndaki (wa pili kulia walioketi), viongozi waadamizi wa benki ya NBC na wafanyakazi wa benki ya NBC matawi ya Mwanza na Nyanza jijini Mwanza wakati wa hafla ya futari iliyoandaliwa na benki hiyo kwa ajili ya wateja wake jijini humo. Hafla hiyo ilifanyika jana visiwani humo na kuhudhuriwa na wageni mbalimbali wakiwemo viongozi wa serikali viongozi wa dini, viongozi wa vyama vya siasa, wateja, mawakala pamoja na wafanyakazi wa benki hiyo.
Hafla hiyo ilihudhuriwa na viongozi wa dini, wateja, viongozi wa serikali pamoja wafanyakazi wa benki ya NBC jijini Mwanza.
