Shambulizi la anga la Israel katika mji wa kusini wa Khan Younis huko Gaza limeua kiongozi mkuu wa chama cha Hamas, Salah al-Bardaweel, afisa wa Hamas amesema leo Jumapili Machi 23, 2025.
Kwa mujibu wa ripoti za mashuhuda, shambulizi hilo lilifanyika usiku wa manane, likilenga jengo ambalo Bardaweel alikuwa akiishi na familia yake. Wenyeji wanasema kuwa mlipuko mkubwa ulisikika, na baada ya muda, timu za uokoaji zilifika eneo la tukio na kuthibitisha vifo vya Bardaweel pamoja na mkewe.
