Jeshi la Polisi nchini limewaita vijana walioomba nafasi za ajira kushiriki katika zoezi ka usaili linalotarajiwa kufanyika kati ya Julai 29 na Agosti 11.
Taarifa iliyotolewa na Mkuu wa Jeshi la Polisi imesema waombaji wawe na elimu ya Shahada, Stashahada na Astashahada na kwamba usaili utafanyika katika Chuo cha Taaluma ya Polisi (DPA) kilichopo Kilwa (Kurasini) jijini Dar es Salaam.
“Waombaji wenye elimu ya kidato cha nne na sita, usaili wao utafanyika kwenye mikoa walioichaguua wakati wa kutuma maombi,” imesema taarifa ya Mkuu wa Jeshi la Polisi.
