Mbunge wa Kigamboni, Dk Faustine Ndugulile, ametoa mapendekezo manne ya kupunguza uhaba wa wataalamu wa afya nchini Tanzania.
Katika kumbukizi ya Hayati Benjamin Mkapa, Dk Ndugulile alisisitiza matumizi ya mwongozo wa wataalamu kujitolea, kutoa kipaumbele cha ajira kwa waliojitolea, matumizi ya sayansi na teknolojia, na kuanzisha kada mpya ya ‘family medicine’. Hii inatokana na uhaba wa watumishi wa afya kwa asilimia 60 katika vituo vya afya.
Dk Ndugulile alipendekeza kutumia mwongozo wa watumishi kujitolea, akisema vijana watapata ujuzi na kujikimu. Pia, alisisitiza wale wanaojitolea wapewe kipaumbele wanapotolewa ajira. Aliunga mkono matumizi ya teknolojia kama akili bandia na vifaa vya kisasa kama digital X-Ray ili kuboresha huduma. Alihimiza pia kuanzisha kada ya ‘family medicine’ kwa ajili ya wataalamu waliobobea katika nyanja mbalimbali za afya kama afya ya mama na mtoto.
Balozi wa Ireland nchini Tanzania, Mary O’Neill, aliipongeza Serikali kwa juhudi zake katika kuwekeza kwenye rasilimali watu, hasa wanawake na wasichana.
Aidha, alisisitiza umuhimu wa ushirikiano kati ya Serikali na sekta binafsi katika kuboresha huduma za afya. Alisema Tanzania imepiga hatua kubwa katika kufikia malengo ya maendeleo endelevu hususan afya na usawa wa kijinsia. Ushirikiano wa karibu na vituo vya afya binafsi na vya kidini ni muhimu katika kufanikisha hili.
#KonceptTvUpdates
