Dar es Salaam. Ajali za msimu wa sikukuu zimeendelea kuacha majonzi kwa Watanzania baada ya aliyekuwa Mkurugenzi wa Utawala na Usimamizi wa Rasilimaliwatu ofisi ya Msajili wa Hazina, Amos Nnko kufariki dunia.
Nnko amefariki dunia katika ajali ya gari iliyotokea maeneo ya Same, mkoani Kilimanjaro, Desemba 22, 2024, mchana. Katika ajali hiyo, pia binti yake wa kwanza, Maureen Nnko amefariki.
Hayo yamethibitishwa na Msajili wa Hazina, Nehemiah Mchechu leo Jumatatu Desemba 23, 2024 kupitia taarifa yake kwa vyombo vya habari.
Aidha, Mke wa marehemu Agnes Nnko na watoto Marilyn, Melvin na mwanafamilia mwingine, Sylvana wanapatiwa matibabu katika hospitali ya KCMC na Mawenzi.
“Mipango ya mazishi inaendelea kuratibiwa na familia ya marehemu kwa kushirikiana na Ofisi ya Msajili wa Hazina.” Imeandika taarifa hiyo
Endelea kufuatilia Mwananchi.