Singida Black Stars imeendelea kujifua ikiwa kambini mkoani Arusha na leo imejipima nguvu dhidi ya Mbuni na kushinda mabao 4-1.
Singida imeweka kambi mkoani humo ikijiandaa na mzunguko wa pili wa Ligi Kuu Bara chini ya kocha wao mpya Mfaransa Miloud Hamdi.
Kwenye mchezo huo mabao ya Singida yamefungwa na Marouf Tchakei na Arthur Bada, Jonathan Sowah na beki Antony Tra bi.
Sowah hilo linakuwa bao lake la kwanza tangu asajiliwe dirisha dogo la usajili kuongeza nguvu kwenye safu ya ushambuliaji ya matajiri hao wa Singida.
Hata hivyo, kocha Hamdi amezuia mashabiki kushuhudia mechi hizo za kirafiki na wataiona timu yake kwenye mechi za mashindano mara ligi itakapoendelea.
Kwenye Ligi Kuu Bara, Singida imecheza michezo 16 hadi sasa ikiwa nafasi ya nne na pointi 33 na itacheza na Kagera Sugar mchezo wa 17, Februari 7, kwenye Uwanja wa CCM Liti, Singida.
