STAA wa muziki nchini Rwanda, Bruce Melodie ameachia albamu yake mpya iitwayo ‘Colorful Generation’ ambayo ni moto wa kuotea mbali na kuwa gumzo mitandaoni.
Katika albamu hiyo yenye nyimbo 21 kibao cha “Beauty on Fire”, ndicho kinachotamba zaidi ambapo alikitoa awali akiwa anaisafishia njia albamu hiyo.
Bruce Melodie anasema, “Albamu hii ni kwa ajili ya kizazi kipya—Gen Z, Gen Alpha. Inaonyesha ni kwa jinsi gani ni sahihi kutazama mambo kwa utofauti.”
Kwenye kazi hiyo amemshirikisha mwanamuziki nyota nchini Nigeria anayetamba katika muziki wa Afro-Pop, Joeboy huku ikiongozwa na Bahali Ruth na J. Chretien Munezero.
Mastaa wengine walioshirikishwa katika albamu hiyo yenye mchanyato wa ladha za Afropop, Amapiano na R&B ni pamoja na Shaggy, Blaq Diamond na Bensoul.
Nyimbo zilizopo kwenye albamu hiyo ni Intro, Wallet, Oya,Beauty on Fire [feat. Joeboy], Iyo Foto [feat. Bien] Diva, Niki Minaji [feat. Blaq Diamond],Narinziko Uzagaruka, Marijuana na Ulo.
Nyingine ni Colorful Generation, Rosa , Energy, Maya, Ndi Umusinzi, Juu [feat. Bien x Bensoul], Sowe, Kuki, Nzaguha Umugisha, Sinya na When She’s Around (Funga Macho) [feat. Shaggy] – Bonus Track.
STORI Na JOSEPH SHALUWA
Bima pap
